الاثنين، 13 مايو، 2013



ايه لزمة البنت فى حياتك ؟!!

(1) راجع من شغلك لو كنت بتشتغل أو من الكلية أو المدرسة لو طالب أو من القهوة لو كنت عاطل ..طالع عينك وعرقان .. جزمتك بقت جزء من رجلك وحاسس إنها مش هتخرج .. القميص أو التي شيرت بيسبلك ونفسه يقولك متبقي تحط مزيل عرق يا متخلف .. شعرك اتبهدل وبقي زيه زي شعر صدرك وبقيت شبه ساكن كوكب بلوتو لما شعره يبوظ (لو كان سكان بلوتو شعرهم بيبوظ يعني !!)

عمال تحلم بكوباية شاي أو كوباية لبن سخن ودش دافي وسرير تفرد أطرافك عليه قبل ما تسيبك وتقع .. عينك حارقاك من كتر مية العرق المالحة اللي جواه .. حالتك تصعب ع الكافر .. تفتح باب الشقة تلاقيها مستنياك .. ومجهزالك العدة اللي هتريحك .. السخان جاهز والأكل حالا هيبقي ع السفرة يا حبيبي

...............................................................................................

(2) طالع عينك في الكلية وشكلك هتشيل السنة .. متخانق مع الحاج في البيت كالعادة وشكله نفسه يطردك .. مش معاك ولا مليم أو ده هيحصل بكره أو بعده بالكتير وملكش عين تقوله فلوس يا حاج لأن الرد مش هيكون بالبق .. أعتقد شباشب الحمام اتعملت عشان تترفع في الهوا وتنزل على الحته اللي ربنا يكرم بيها ومعاها بق مفتوح على آخره "انت مش لسه واخد مني من يومين يا بن ال..... لحقت تخلصهم ؟؟ .. هو انت بتقعد على قهاوي ولا بتشرب ... الخ" كلام من هذا القبيل .. واحد صاحبك مضايقك وبيعمل فيك اسفينات عشان بيكرهك .. الدنيا مكركبه على دماغك آخر كركبه .. طب تموت نفسك ولا تهرب من البيت ولا ... (( مالك بس يا حبيبي ؟)) .. هتسمع منها الكلمه دي هتبص في عينيها وتحكي اللي جواك .. هتسيب دموعك تتمشي على خدك وايدك تحضن اديها وتقولها أنا مخنوق .. هتلاقي أحن ايد وأحن ابتسامة وأحن نظرة تخليك تقول للدنيا إنك راجع تاني وكل مشكلة وليها حل .. ومعاها.. هتلاقي الحل بسيط كمان ..

...............................................................................................

(3) الماتش بكره ووعدت أصحابك انك رايح معاهم الاستاد وكله جاهز .. يومها بالليل فلوسك خلصت ع القهوه .. هتتصرف ازاي؟؟ كارثه .. مينفعش تقول مش رايح هتطلع عيل .. قسط الدي اس ال بكره ومش معاك ولا مليم وهيبقي شكلك زباله قدام الواد جارك .. بكره قسط الجمعية اللي انت اتدبست فيها ولازم يتدفع لينفخوك .. طب يا نهار أزرق ده مفيش ولا مليم .. وفي كل الحالات هتجري على اختك الكبيره ... اا حايح .. هتلوي بوزها وتبصلك نظرة بمعني يا لهوي عليك انت مبتبطلش ؟؟ .. بس في الآخر الفلوس هتطلع ومشاكلك هتتحل ..
(( بس المره الجايه مش هعبرك حافظ على فلوسك شويه يا أخي انت ايه ؟؟ وابور ؟ ))


** الحياة من غير بنت تحبك _ أيا كان دورها ونوع حبها ليك _ هتبقي ضلمه وملهاش لزمه .. مين اللي قال إن البنات نص الحياه ؟.. البنات هما الحياه كلها .. ونص !!

الأحد، 24 مارس، 2013


مش معني انك بتضحك تبقي فرحان
مش معني انك بتخرج تبقي مقضيها
مش معني انك مقضيها تبقي راضي
مش معني انك بتقول مبسوط تبقي مبسوط
مش معني انك تقول عايش تبقي عايش
ممكن تكون بتكدب ع الناس عشان تبان قدامهم عادي !!!!
(( ahmed shreef ))

الثلاثاء، 19 مارس، 2013



الخلاصه ارجوكم اقروها
مـــريت بمشــاكل كتير !! ومــاله
النــاس ظلموك اكتــر وقالوا عنك كلام كتير مش صح ! برده ومــاله
انــا عــارف انها حــاجة تضــايق .. وتوجع اوي من جوووة وتخليك يائس !
كــنت بتحلم انك تبقي نــاجح وكل ما تحاول تفشل ! برده ومــاله
كل ده مقصود...لاء من عنـــد ربنا .. مش علشان انت مش كويس بيبتليك !
... لكن علشان انت كويس وبيرفع درجاتك ليه .. وكمان بيقربلك ليه !
قدام كل المشاكل دي .. اصبر وبلاش تضايق !
الناس اللي ظلموك واتكلموا عنك ... ربنا هيرجعلك حقك وكفاية انهم أخدوا شوية من ذنوبك ده يخليك تفرح  
لو خسرت حد مهم عندك وانت معملتش حاجه ليه تاكد ان ربنا شايف ان ده احسن
كنت بتحلم وبتحاول وبتفشل ... اتأكد ان ربنا شايلك حــاجة كبيرة بس عاوزك تحاول تــاني وترضي وتصبر !
ويمكن الفرصة الجاية تكون انت فيها نـــاجح بس المرة دي أحسن ليك !
كــل حاجة بتحصلك خير .. كل حزن سكن جوا قلبك يوم خير ..
كل دمعة نزلت في يوم من عنيك ...
ريحت قلبك من هموم كتير برده خير !
احمد ربك دايما ... لان كـــل حاجة خيــــــــــــــــــر !
وكل حزن وضيق ........وراه فـــــــــــرحة عظمي...
خليك واثق ف الكلمة دى اوى { لو علمتم الغيب لاختـرتم الواقع }
خليك واثق بس ان كل حاجة من عند ربك خير :) ♥

الأحد، 17 مارس، 2013

كلمت بحبك مش معناها تتجوزيني .... لكن كلمة تتجوزيني معناها بحبك !!!! ( احمد شريف )







الصمـت لا يعنــي القبــول دائمــاً ! فـ أحيانــاً يعنــي اننـا قـد تعبنــا مـن التفسيــر لــ أنــاس لا تفهــم ..

ahmed shreef


هنـــــاك مـــن يحبـــك بصمـــت ،، ويحترمــك بصمـــت ،، ويتمنــاك بينــه وبيــن نفســـه ،، ويبتعـــد حيـــن يـــراك مشغـــولا بغــــيره ،، ويمنـــعه كبريائــــه مـــن الاقتــــراب منــــــك ،، ويحلم لك ولا تشعر به وتهتم بغيره وتنساه ولو لفتره ويحتاج منك التشجيع ويأتي من غيرك !!!!!


(احمد شريف)

الأحد، 10 مارس، 2013

ماهذا اللي يحدث للشعب المصري
هل هذا حرمان ام ماذا
فعلا الناس بقيت حالها صعب قوي .
امبارح تم سرقة كل محتويات مقر اتحاد كره القدم وحرق نادي الشرطه. طا ايه علاقة الكأس بالثوره اصلا هو اي حاجه بتتسرق وخلاص ليه طيب والله حرام